Сончево и ветровито, температура до 19 степени

Времето во Македонија ќе биде променливо облачно со сончеви периоди. Во крајните северозападни и северни делови од земјава ќе има услови за изолирана појава на краткотраен локален дожд, а на повисоките планини за краткотраен слаб локален снег.

Преку денот ќе дува умерен повремено засилен ветер од северен правец, повеќе ќе биде изразен долж Повардарието.

Утринската температура ќе се движи од минус три до четири, а дневната од 15 до 19 степени.

Во Скопје слично време, променливо облачно со сончеви периоди и со умерен ветер претежно од југоисточен правец. Утринската температура ќе се спушти до нула, а дневната ќе се искачи до 19 степени.

Во наредните денови продолжува период на променливо облачно време со сончеви периоди. До понеделник ќе дува умерен до засилен ветер претежно од северен правец, а од почетокот на наредната недела дневната температура ќе биде во пораст.