Топло со температура до 38 степени и УВ индекс 8

Времето денеска ќе биде сончево и топло, а попладне со мала до умерена облачност. Ќе дува слаб до умерен ветер од североисточен правец. Минималната температура ќе се движи од 14 до 21 степен, а максималната од 30 до 38 степени. УВ индексот ќе изнесува 8. 

Во Скопје времето ќе биде сончево и топло, а попладне со мала до умерена облачност и со слаб североисточен ветер. Температурата ќе се движи од 19 до 36 степени.

До сабота времето ќе биде претежно стабилно и топло. Дневните температури ќе бидат за околу два степени пониски од денешните, но долж Повардарието ќе имаат натпросечни вредности. Од недела во попладневните часови ќе има услови за локален дожд и појава на грмежи, а температурата ќе биде во благо опаѓање.