ВИКЕНД ПРОГНОЗА: Променливо облачно и ветровито – од понеделник разведрување и стабилизација

Времето во Македонија претпладне ќе биде променливо облачно со услови за повремени врнежи од дожд, а преку денот ќе дува умерен до засилен северен ветер.

Ветерот ќе биде поизразен во котлините на север и в долж Повардарието, а неговата брзина повремено ќе надминува 60 километри на час.

Утринската температура ќе се движи од минус еден до пет, а дневната од 11 до 20 степени.

Во Скопје ќе биде променливо облачно со повремено засилен северен ветер. Утринската температура ќе се спушти до четири, а дневната ќе се искачи до 16 степени.

Во наредните денови се очекува стабилизирање на времето. Ќе дува ветер од јужен правец. Утринската температура во недела на места ќе се спушти под нулата, а дневната температура ќе биде во пораст и ќе достигне над 20 степени во регионите на југоистокот. Во вторник се очекува температурата на југоисток да достигне до 24 степени.