ВИКЕНД ПРОГНОЗА: Сончево и топло до 36 степени

Времето денеска ќе биде сончево со мала локална облачност, поинтензивна на североистокот и со слаб претежно североисточен ветер.

Утринската температура ќе се движи од 4 до 15 степени, а дневната од 29 до 36 степени. УВ индексот ќе има вредност 8.

Во Скопје ќе биде сончево со мала до умерена облачност и со слаб претежно североисточен ветер. Температурата ќе се движи од 11 до 35 степени.

До вторник ќе продолжи периодот на стабилно време со посвежи утра. Дневната температура ќе биде во постепен пораст, а најтопло ќе биде в недела и понеделник, особено во централните делови.

Во вторник и среда ќе настапи преодно наоблачување проследено со северен ветер, повремен пороен дожд и услови за појава на нестабилност, а температурите тогаш повторно ќе опаднат.