ВИКЕНД ПРОГНОЗА: Топло преку денот, можност за локална дестабилизација попладне

Ни претстои топол викенд со дневни температури над 30-от степен.

Ширум државата ќе биде претежно сончево со умерена облачност и услови за локална дестабилизација во попладневните часови.

Во главниот град ќе биде исто така сончево во температури кои ќе надминат 30 степени Целзиусови, а краток дожд е можен попладне.

Овој викенд нестабилно време се најавува на повеќе места посебно во попладневните часови, а на локално ниво процесите ќе бидат поинтензивни со засилен ветер и услови за појава на град.