ВРЕМЕТО ДЕНЕС: Пролетни температури до 22 степени, од четврток повторно снег!

Времето во Македонија ќе биде стабилно и релативно топло, со услови за утринска магла по одделни котлини. Утринската температура ќе се движи од минус три до три, а дневната од 14 до 22 степена.

Во Скопје времето ќе биде сончево со утринска магла во претпладневните часови. Утринската температура ќе се спушти до минус два, а дневната ќе се искачи до 16 степени.

Значителна промена на времето се очекува во четврток кога ќе има заладување со засилен северен ветер и врнежи од дожд, а на некои повисоки места и на планините врнежите ќе бидат од снег.

Во петок и за време на викендот повторно се очекува стабилизација со претежно сончево време.