Поврзи се со нас
Маркетинг

Популарно.мк

За празничниот викенд 17 повредени во 28 сообраќајки во Скопје

Вести

За празничниот викенд 17 повредени во 28 сообраќајки во Скопје

Седумнаесет лица се полесно повредени во 14 од 28 регистрирани сообраќајни несреќи во изминатите четири дена на подрачјето на СВР Скопје.

Сообраќајната полиција  во петокот извршила увид  на девет сообраќајни незгоди, од кои во шест со полесни повреди се здобиле шест лица.

Девет сообраќајки имало и во саботата,  при што во четири полесно се повредени четири лица, а во останатите е причинета материјална штета

Од три евидентирани сообраќајки во неделата, во една со полесни повреди се здобило едно лице, а од седум сообраќајни незгоди вчера во три полесно се повредени шест лица.

Во текот на изминатите четири дена сообраќајната полиција открила поголем број прекршоци. Преземни се мерки за 208 возачи  кои не ги почитувале ограничувањата на движење на возилата, 18  се исклучени од сообраќај,  бидејќи возеле под дејство на алкохол, шест поминале на црвено светло на семафор, 14 не користеле сигурносен појас или користеле мобилен телефон, 52 без возачка дозвола односно нерегистрирани, а 79 за непрописно паркирани возила.

Санкционирани се и 18 возачи на велосипеди со мотор, мопеди и мотоцикли кои не носеле заштитен шлем на глава.

Со помош на  специјалното возило „пајак“ се отстранети 85 возила.

Во рамки на сообраќајно воспитниот проект  „Сообраќајна култура на децата во предучилишните установи”  Одделението за превенција денеска ќе реализира едукативни работилници во објектот „Бамби“ на градинка „Срничка“ во општина Аеродром, со децата од средна и голема група.

Главниот и одговорен уредник на веб порталот Популарно.мк. Ѓорги е перспективен новинар кој со својата креативност и талент го направи Популарно.мк дел од водечките информативни сајтови во Македонија. Во исто време е регионален известувач за CNN од Македонија и главен на продукцијата GPTM Production.

Повеќе од Вести

Маркетинг
ДО ВРВ
error: Содржината е заштитена со авторски права.