Жестоки судири пред Владата: Полициските специјалци ги потиснаа демонстрантите

Насловната фотографија е преземена од Фејсбук

Протестот пред Владата на Република Македонија ескалираше откако полицијата употреби сила врз демонстрантите и новинарите. Како што јавуваат репортерите од терен, повредени се неколку демонстранти и новинари, како и фоторепортери на повеќе редакции.

Во неколку наврати опремените специјалци ги поттиснаа незадоволните граѓани кои не престануваа да скандираат и да фрлаат со предмети кон Владата. Граѓаните се најдоа пак на улица откако кордон на специјалци го зазедоа редот на линија на знамињата.

Според информациите, употребени се и шок и димни бомби. На терен се поставени и неколку водени топови.

По четиричасовниот протест, тензијата на улиците расте. На улиците се запалени и повеќе контејнери.

Револтирани од прислушуваните разговори коишто ги објави денеска опозициската СДСМ, учесниците на протестот бараат оставки од премиерот и од министерката за внатрешни работи.