fbpx
Поврзи се со нас
Маркетинг

Популарно.мк

Зимската служба на Град Скопје подготвена за снегот

Актуелно

Зимската служба на Град Скопје подготвена за снегот

Градот Скопје и годинава подготвено ја пречекува зимата. Службата е подготвена за одржување на магистралните и на собирните улици на подрачјето на Скопје во зимски услови.

Ова го истакна градоначалникот на Град Скопје Коце Трајановски кој денеска го посети пунктот на Зимската служба на Град Скопје во Кисела Вода.

– Зимската служба на Град Скопје оваа година за справување со снежните врнежи и чистење на магистралните и на собирните улици кои се во надлежност на Градот располага со повеќе од 30 возила и 2.500 тони сол (1.500 во пунктот во Кисела Вода и 1.000 во Бутел). Покрај возилата на ЈП „Улици и патишта“, доколку се појави потреба, ќе се ангажира дополнителна градежна механизација. Во текот на денешниот ден екипите на зимската служба дејствуваа на територијата на Радишани, населбата Даме Груев и населените места во високите зони на Водно, рече Трајановски.

Екипите на Зимската служба, наведуваат од Град Скопје, во наредниот период ќе ја следат состојбата во текот на 24 часа и ќе интервенираат секаде каде што ќе се појави потреба.

Градот Скопје апелира до сите стопански субјекти во градот и до сите граѓани, кога ќе падне снег, да ги почитуваат законските обврски и да го расчистуваат снегот и мразот од пристапите до нивните деловни, односно станбени објекти.

Надлежните служби на општина Центар, пак, со два помали и еден голем камион фрлија неопходна количина сол на улиците на повисоките и покритични места и тоа кај Тасино Чешмиче, Мало Курило и Долно Водно, кои веќе се чисти. Службите, информираат од таа Општина, се подготвени да ја зајакнат механизацијата, доколку во вечерните часови се засилат врнежите од снег.

Информативна Редакција

Главниот и одговорен уредник на веб порталот Популарно.мк. Ѓорги е перспективен новинар кој со својата креативност и талент го направи Популарно.мк дел од водечките информативни сајтови во Македонија. Во исто време е регионален известувач за CNN од Македонија и главен на продукцијата GPTM Production.

Повеќе од Актуелно

Маркетинг
ДО ВРВ
error: Содржината е заштитена со авторски права.