Доцнењето некогаш може да спаси живот

Поради метеж во сообраќајот, грчкиот сеизмолог и професор Акис Целентис не успеа да се качи на авионот со кој требало да отпатува од Техеран до Јасуџ. Поради доцнењето, не стана 66-та жртва од вчерашната авионска несреќа, во која загинаа 65 лица.

– Поради неверојатниот метеж во Техеран, задоцнив и не успеав да се качам на тој лет. Планирав во Јасуџ да одам со тој или следниот лет, изјави Целентис за АНА.

Во авионот од типот АТР-72, кој летал на релација од Техеран кон југозападниот ирански град Јасуџ, се наоѓале 59 патници и шестмина членови на екипажот. Леталото се урнало во планински регион на околу 480 километри јужно од Техеран.

Медиумите првично јавија дека сите 66 лица кои биле во авионот загинале, но подоцна бројката беше намалена, затоа што едно лице воопшто не се качило на авионот.