ГРАД НА СЕДУМ РИДОВИ: 10 неверојатни факти за Лисабон

Главниот град на Португалија е популарна туристичка дестинација, а со оглед на неговата убавина, историја и архитектура, тоа воопшто не е чудно. 

Лисабон се смета за еден од најстарите градови во Европа, а ако се подготвувате наскоро да отпатувате таму или сакате да научите повеќе, прочитајте десет факти за бисерот на Португалија.

1. Лисабон е постар од Рим! Да, да и тоа четири века постар. Всушност, по Атина тој е најстар главен град на некоја европска држава, а се верува дека го основале Фениќаните во 1200 година пред новата ера.

2. Мостот „Васко де Гама“ е најдолг мост на европскиот континент и се протега на 17 километри. При прослава, долж него била поставена маса на која ручале 15.000 луѓе.

3. Симбол на градот е гавранот. Имено, според легендата, два гаврана го следеле заштитникот на Лисабон, Свети Винсенте на неговиот пат до Лисабон.

4. Исто како Рим и Лисабон е изграден на седум ридови, така што е познат како „Cidade das sete colinas” т.е. „Град на седумте ридови“.

5. Црквата „Света Енграсија“ во Лисабон се наоѓа во Гинисовата книга на рекорди како црква која најдолго се градела. Имено, почнале да ја градат во 17-от век, а ја завршиле дури во 1966 година.

6. Во Лисабон многу работи се посветени на уличната уметност, така на секој агол ќе најдете нешто интересно. Дури можете да земете и тура која вклучува разгледување на графити.

7. Во 1755 година градот настрадал во силен земјотрес. Некои бројки зборуваат и дека загинале 100.000 луѓе, а самиот земјотрес предизикал и пожар кој дополнително го уништил градот.

8. Тука треба да се посети аквариумот, кој е еден од најголемите на светот. Во него живеат 8.000 разни видови.

9. Првиот град надвор од Обединетото Кралство и Ирска во која може да се проба култното пиво „Гинис“ е токму Лисабон, кој пивото го увезол во дамнешната 1811 година.

10. Во едно од најпознатите и најстари лисабонски кафулиња „Мартиљо да Аркада” две маси секогаш се чуваат празни и постојано се резервирани. Масите се чуваат за Фернандо Пезо (веројатно најпопуларен португалски писател) и за нобеловецот Хозе Сарамага, кои иако повеќе не се меѓу живите, секогаш имаат места на кои можат да сметаат во ова кафуле.