Меѓународната карневалска поворка на 35. Риечки карневал тргнува в недела

Меѓународната карневалска поворка на 35. Риечки карневал ќе тргне од централниот дел на градот в недела 11 февруари на пладне. Во неа се очекува да учествуваат 104 групи под маски, 71 алегориски возила и над 10.000 маскирани индивидуалци, сопштуваат од Градската управа на Риека.

На карневалот, што годинава трае помалку од еден месец, од 17 јануари до 14 февруари, освен од Хрватска, има и групи од Италија, Словенија, Белгија, Црна Гора, Србија и Македонија.

Пред тргнувањето на поворката, гледачите на Корзо ќе ги забавуваат риечките мажоретки, а карневалската забава ќе продолжи на повеќе места во центарот на Риека.

Во пресрет на големата поворка, утре ќе се одржи Карневалски бал, на кој ќе се собираат пари за хрватскиот Спортски сојуз на лица со попреченост и за спортска опрема за спортисти со попреченост.