Магазин
Меган Маркл фотографирана на прошетка откако го пропушти крунисувањето
Меган Маркл одлучи да не отпатува во Лондон за крунисувањето на кралот Чарлс Трети во саботата и принцот Хари мораше сам да се соочи со семејството, а еден ден подоцна таа беше фотографирана во одлично расположение.
Додека Хари присуствуваше на крунисувањето, Маркл остана во Калифорнија со нивните деца. Палатата објави соопштение во април во кое го потврди отсуството на Маркл од свеченоста на крунисувањето, додека Хари ќе биде присутен.
Многумина се сомневаа во одлуката на Маркл да го прескокне крунисувањето, со оглед на затегнатите односи на неа и Хари со кралското семејство. Сепак, извор изјавил дека Маркл одбила да ја пропушти роденденската прослава на Арчи.
Папараците ја фотографираа Меган како се шета со нејзините пријатели Маркус Андерсон и Хедер Дорак недалеку од нејзиниот заеднички дом со принц Хари во Монтесито, Калифорнија, вреден 15 милиони долари. Поранешната актерка носеше црни хеланки, маица и патики. Таа го надополнила изгледот со марама околу вратот, шешир, јакна и наочари за сонце.
Хари не одигра голема улога во церемонијата на крунисување и веднаш се врати во САД по службата во Вестминстерската опатија.
Војводата од Сасекс фатил лет на „British Airways“ кој пристигнал на аеродромот во Лос Анџелес во 19.30 часот по локално време (3.30 часот наутро во Обединетото Кралство), дозволувајќи му да се врати дома во Монтесито на време за да го види Арчи на неговиот посебен ден.
И покрај тоа што беше само во Обединетото Кралство нешто повеќе од 24 часа, се чини дека принцот Хари уживаше во времето поминато на британско тло. Тој за време на крунисувањето беше снимен како насмеан разговара со своите братучеди, како и со неговата тетка, принцезата Ана.
