Магазин
Принцот Хари за средбата со кралицата Елизабета: „Беше прекрасно да ја видам“
Принцот Хари (37) и неговата сопруга Меган Маркл (40) првпат по повеќе од две години тајно ја посетија кралицата Елизабета Втора (95), а сега се познати некои детали од средбата.
Имено, принцот Хари го нарушил молкот за тајна средба со кралицата, а странски извори пишуваат дека принцот и Меган сега се поканети да се појават на балконот на Бакингемската палата на платинестиот јубилеј на кралицата.
Сепак, војводата и војвотката нема да имаат формална улога во прославата на јубилејот, но од нив се очекува да присуствуваат на други официјални настани.
По средбата со кралицата, принцот Хари рече:
-Беше прекрасно да ја видам – изјави тој.
Странски извори тврдат дека кралицата, се разбира, уживала во друштво на својот внук.
-Тој отсекогаш имал способност да ја насмее, и тоа ѝ се допаѓа кај него. Кога и да слушне дека Хари е на телефон, очите и светнуваат – јавува извор од Палатата.
