Пристигнува најскапата серија на сите времиња, погледнете ги првите кадри од „Господарот на прстените“

Конечно излезе трејлерот за ТВ серијата „Господар на прстените“, која ќе се емитува на Amazon Prime.

Амазон го објави првиот трејлер и полниот назив на ТВ-серијата „Господар на прстените“, со поднаслов „Прстени на моќта“ (The Lord of the Rings: The Rings of Power). Првата сезона пристигнува на 2 септември оваа година, а новите епизоди ќе излегуваат секој петок.

Серијата се одвива во второто доба на Средната Земја, и сето ова е илјадници години пред дејството од оригиналните романи и филмови.

Амазон првпат ја најави својата серија „Господар на прстените“ во 2017 година. Според Hollywood Reporter, нејзината прва сезона чинела околу 465 милиони долари за да се создаде, што го прави можеби најскапото шоу на сите времиња.