Магазин
Вилијам и Кејт слават годишнина од бракот: Новата фотографија ги „исплаши“ кралските обожаватели
Принцот Вилијам и Кејт Мидлтон вчера ја прославија 13-годишнината од бракот, а по тој повод на Инстаграм објавија досега невидена фотографија од нивната венчавка во 2011 година.
Додека многу обожаватели им честитаа, некои беа преплашени бидејќи парот сподели црно-бела фотографија.
„За малку ќе се онесвестев кога ја видов црно-белата фотографија“, „Не плашете нè“, „Оваа фотографија е многу лош избор во овој момент“, „Нивниот ПР тим не е нормален. Логично е дека црно-белата фотографија ќе предизвика вакви реакции“, се само дел од коментарите.
Во меѓувреме, принцот од Велс се врати на своите должности минатата недела, обавувајќи ги своите први јавни ангажмани откако неговата сопруга минатиот месец откри дека ѝ бил дијагностициран рак. Вилијам посети добротворна организација во Сари.
Принцезата од Велс, која се повлече од јавноста по прославата на католичкиот Божиќ, во видео на 22 март објави дека нејзината дијагноза била „огромен шок“ и дека веќе започнала превентивна хемотерапија. Ракот на Кејт бил откриен со тестови по операцијата на абдоменот во јануари.
Принцот Хари за неколку дена треба да отпатува за Лондон, но британските медиуми објавија дека нема најавена средба со кралот Чарлс, ниту со Вилијам и Кејт.
