Најдолгиот лет во светот: Патници поминаа низ десет временски зони

Летот QR920 на компанијата „Катар ервејс“ од Доха кон Оукланд, со авион Боинг 777-200LR траеше нешто повеќе од 16 часа, а авионот на Нов Зеланд слета 15 минути пред закажаното време.

Патниците од Доха поминаа низ десет временски зони, полетувајќи во неделата изутрината и слетувајќи денеска изутрината по новозеландско време.

Летот е долг 14.535 километри, а при враќањето во Доха трае 18 часа, односно два часа подолго отколку при доаѓањето. Причината се воздушните струи кои делуваат од запад кон исток.

Економските експерти сметаат дека линијата со Катар на островската држава ќе донесе годишна заработувачка од 198 милиони долари.

Најдолг комерцијален лет до денес беше летот на компанијата Емирати меѓу Оукленд и Дубаи.