Sci-fi
Најсјајната комета наредната недела ќе помине покрај Земјата
Една од најсјајните комети, „46P/Wirtanen“, наредната недела ќе мине покрај Земјата и тоа ќе биде една од 10-те најблиски средби со таков вид на небесно тело од 1950-та година, и меѓу 20-те најблиски од 9-тиот век.
Кометата ќе биде најблиску до Сонцето наредната среда, на 12-ти декември, а до Земјата на 16-ти декември и ќе мине покрај нашата планета на оддалеченост од 11.265.408 километри.
Како што се наведува, кометата најверојатно ќе може да се види со голо око, но најдобро би било да се гледа низ двогледи и мали телескопи, посебно надвор од градовите.
Одделението за астрономија при Универзитетот во Мичиген соопштило дека „не постојат шанси кометата да ја погоди Земјата”.
Главниот и одговорен уредник на веб порталот Популарно.мк. Ѓорги е перспективен новинар кој со својата креативност и талент го направи Популарно.мк дел од водечките информативни сајтови во Македонија. Во исто време е регионален известувач за CNN од Македонија и главен на продукцијата GPTM Production.
