Новиот оперативен систем iOS 9 на Apple од денеска слободен за бесплатно преземање

Американската компанија „Епл“ соопшти дека новата верзија на оперативниот систем иОС 9 од денеска е достапна за бесплатно преземање преку вообичаените канали.

Сепак, Епл ги советува своите корисници да почекаат некој ден со преземање, со цел да избегнат гужва на серверите.

Епл има за цел зголемување на интелигенцијата на својот мобилен оперативен систем, што првенствено е насочено кон унапредување на функцијата „Сири“, интелигентниот личен асистент на компанијата што ќе може да учи од навиките на корисникот со цел автоматизирање на некои рутински работи.