АРЕА слави 25 години од „Врати на имагинација“ со голем концерт во СЦ Јане Сандански

По повод 25-годишнината од издавањето на легендарниот албум „Врати на имагинација“ и исто толку години од незаборавниот концерт на некогашниот Скопски саем, македонскиот рок бенд АРЕА најавува голем јубилеен концерт во СЦ Јане Сандански. Настанот ќе се одржи на 8 ноември со почеток во 20:00 часот.

Овој албум е вистинска музичка класика, со песни кои ја обележаа златната ера на македонската рок сцена. По повод јубилејот, „Врати на имагинација“ ќе биде издаден и на луксузен винил, овековечувајќи ги сите хитови на бендот.

Концертот ќе понуди целосна изведба на албумот, вклучувајќи ги култните песни „Сите мои слики“, „Одведи ме“, „Пријател“ и „Биди мој“, како и сите останати хитови кои ги следеа генерации на фанови низ годините.

Влезниците се веќе достапни онлајн преку avalonbooking.mk и во продажната мрежа на karti.com.mk, со следните категории:

• Партер – 600 денари

• Фан пит – 900 денари

• Трибина – 990 денари

АРЕА ги повикува сите генерации да се соберат и заедно да ја слават музиката која ја одбележа македонската рок историја.