Фестивалот „Охрид колинг“ се откажува за догодина

Авалон продукција информира дека и покрај фактот што Комисијата за заразни болети во земјава дозволи да се одржуваат јавни open-air настани со 50% намалени капацитети, земајќи ја предвид масовноста на публиката, фестивалот и воопшто, неговиот концепт, одлучивме „Охрид колинг“ да го одложиме за следната година.

Сепак, периодов интензивно работевме на тоа истите артисти да ги префлиме за следната година, па така, јубилејното издание на„Охрид колинг“ ќе биде ТРИ дена и ќе се одржи од 30-ти јули до 01-ви август 2021 година на истата локација, во касарната во Охрид.

Поминавме заедно четири незаборавни фестивалски изданија, проследени со многу магични моменти, насмевки, емоции и незаборавни забави. Ќе ја надминеме и оваа кризна и тажна година- обединети!

Дотогаш, подготвувајте се за „Охрид колинг 2021“ и заедно да ги надоместиме сите пропуштени забави на следното издание на вашиот омилен фестивал!

А, кога зборуваме за културата и музиката во Македонија… ние сме секогаш тука да го пронајдеме лекот!, стои во соопштението на Авалон.