Концертот на Пеѓа Јовановиќ во Скопје одложен за 15 мај поради трагедијата во Кочани

Концертот на српската музичка ѕвезда Пеѓа Јовановиќ, кој беше закажан за 5 април во Спортскиот центар „Јане Сандански“ во Скопје, е одложен и ќе се одржи на 15 мај.

Одлуката за поместување на датумот е донесена како знак на почит и солидарност поради страшната трагедија што ја потресе Кочани.

Организаторот EVENT GROUP се обрати до јавноста со официјално соопштение:

📝 „Сите ние живееме во тежок период кој не можеме лесно да го надминеме. Трагедијата и болката се огромни, и на сите ни треба време за да продолжиме понатаму. Заедно со Пеѓа Јовановиќ и неговиот менаџмент одлучивме концертот да се одржи на 15 мај, под истите услови како првично планираното.“

🎟️ Купените влезници остануваат важечки за новиот датум, а организаторите се надеваат на разбирање од публиката.