Сања Барбика најавува нова провокативна песна и спот (ФОТО)

Познатата пејачка Сања Цинцева – Барбика деновиве го снимаше видеото за новата песна која што носи интересен наслов – „Ковид и секс“.

Приказната во рефренот е тема на самата Сања, идејата ја добила изминатава година додека траеше пандемијата со коронавирус, а истата ја реализирале Борче Нечовски и Дејан Момировски, двоецот кој што ги потпишува сите големи хитови на пејачката.

„Брз, динамичен и несекојдневен рефрен. Тоа е она што можам да го кажам за „Ковид и секс“. Наскоро следува премиера и се надевам дека на публиката ќе и се допадне нашиот финален производ“, откри сексапилната Сања.

Кадрите за видеото веќе се снимени, зад режисерската палка стои Дарио Јанковиќ, а во улога на доктор во спотот се појавува манекенот Димче Димчевски.

Последно нешто што слушнавме од Сања беше темата на српски јазик „Доказ“, а големо внимание привлече и видеото за „Барбика кралица“, дуетската песна која што ја сними со кралот на трубата – Џамбо Агушев.