Што повеќе вреди – паметот или пластиката? Вжештена дебата во „Нешто конкретно“! (ВИДЕО)

Во најновата епизода на емисијата „Нешто конкретно“, гостите Катерина Шехтанска и д-р Роберт Стојовски отворија низа контроверзни теми, предизвикувајќи жестока дебата.

Актерката Шехтанска изрази став дека жените кои постојано се подложуваат на естетски процедури без друга животна реализација не се добри прилики. На тоа реагираше естетскиот хирург Стојовски, кој низ шега спомена дека постои закон за рекламирање и додаде дека тој лично не би вработил девојка со пренагласени усни и гради во својата ординација.

• „Оние што претеруваат со корекции, обично сакаат да сокријат нешто кај себе“, заклучи Стојовски.

На прашањето дали поранешните партнери можат да бидат добра прилика, Шехтанска беше јасна:

➡️ „Господ некогаш ги враќа бившите само за да види колку си глуп!“

Дали познато презиме носи предности или проблеми?

Во текот на разговорот се постави и прашањето дали децата на познати личности добиваат полесен пат во кариерата. Шехтанска, како ќерка на актерот Александар Шехтански, категорично негираше:

• „Јас поминав полошо и на факултет и како актер. Тие што го мразеле татко ми, ме мразат и мене, не ти даваат ни шанса да се докажеш.“

На ова се надоврза и д-р Стојовски, кој како син на двајца доктори призна дека честопати му биле припишувани заслуги поради родителите:

• „Затоа си отидов на приватно, за да не ми викаат дека останав во јавното здравство преку врски.“

„Епа во подрум нека ги чуваат!“

Дебатата кулминираше кога професорот Васко Наумовски, кој првпат гостуваше во ваква емисија, даде остроумен одговор на прашањето зошто некои мажи се плашат да ги покажат своите убави сопруги во јавност:

• „Епа во подрум нека ги чуваат!“, алудирајќи дека станува збор за недостаток на самодоверба.

Водителот Ненад, како и секогаш, провокативно праша:

➡️ „Што е поважно за жената да успее – кубикажата во гради или дебелината на книгите?“

➡️ „Зет мајстор или зет бизнисмен – која е подобра прилика?“

Целата дебата погледнете ја тука 👉