Музичкиот великан Морисеј на 16-ти октомври со концерт во Скопје!

На задоволство на многу фанови во Македонија, Бугарија, Србија, Албанија, Косово … Авалон продукција договори концерт на еден од најголемите Британски музичари на сите времиња, Steven Patrick Morrissey.

Едноставно, британски и џентлментски Morrissey на 10-ти декември 2014 во Белград на Бобан Милошески му вети и го одржа својот збор дека сака да настапи во Македонија!

Ова е навистина ретка можност во Скопје да настапи артист од таков уметничко – артистички профил како Morrissey, фронтменот на Легендарните The Smits со кои сними 4 култни албуми кои денес се вклучени во сите можни музички енциклопедии но и човекот кој со 10 албуми во својата соло кариера, секогаш е на врвот на сите музички топ листи.

„World Peace Is None of Your Business” – Последниот студиски албум на Morrissey, предизвика толку голем интерес во светски рамки што еден од највлијателните музички магазини “New Musical Express” објави специјален број посветен единствено за Morrissey, каде помеѓу другото го прогласи за артист кој има најдобра и најдостоинствена кариера од сите артисти кои предходно имале бенд. Додека магазинот “Music Week”во неделата на објава на албумот, го смени своето име во “Morrissey Week”.

Концертот на овој музички Великан ќе се случи на 16ти октомври во СРЦ Кале, сите детали околу влезниците ќе бидат објавени во петок на 17ти јули.