НА ЕДЕН ДЕН ПРЕД КОНЦЕРТОТ: Нокаут го промовираат новиот сингл „Радувај се со мене“

Само еден ден пред концертот во арена Борис Трајковски, НОКАУТ промовираат нов сингл, “Радувај се со мене”. Автор на музиката е фронтменот на бендот, Никола Перевски-Пере, текстот е на Владимир Поп-Христов Мио, а аранжманот и продукцијата на Дарко Димитров.

Овој сингл е најава за новиот албум, кој НОКАУТ планираат да го издадат во текот на следната, 2016 година. Воедно е еден вид на покана за концертот кој ќе се одржи на 24 декември во СЦ Борис Трајковски со почеток во 21.00 часот.