Поврзи се со нас
Маркетинг

Популарно.мк

Јубилејно издание на „Златна бубамара на популарноста“

Настани

Јубилејно издание на „Златна бубамара на популарноста“

Синоќешната јубилејна Златна бубамара на популарноста, со која се одбележаа 25 години постоење, 25 години вреднување на креативната продукција, 25 години пеење и смеење, беше уште една голема прослава на доброто расположение и на добрите резултати.

Доделени се 20 награди во повеќе категории, а постигнати се, во заедничка соработка со публиката во преполната сала „Борис Трајковски“, моменти на радост, трогнатост, гордост и на болка во стомаците – од смеење.

Со години, главен церемонијал мајстор на Златната Бубамара на популарноста е Сашко Коцев, актерот чии скечеви се паметат и прераскажуваат со денови по секоја манифестација. Младите комичари Атанас Атанасовски и Тино Костадиновски беа придружна сила за смеење и добро расположение.

За спортските достигнувања во минатата година – награди „Златна бубамара“ добија теквондистот Дејан Георгиевски, освојувач на сребро на Олимпијадата во Токио, и фудбалската репрезентација на Македонија. Нивното појавување на сцената предизвика огромни аплаузи и изрази на поддршка.

Ристо Самарџиев, Наум Петрески, Благица Павловска и Васка Јанковска ја имаа честа да си заминат со статуетка за Трајни музички вредности. Награди за Животно дело добија Жељко Бебек, Ферус Мустафов и Љупчо Трајковски Фис.

Според реакциите на публиката – манифестацијата го оправда зададеното овогодишно мото – „Да живнеме“.

Ова се наградените по категории:

Најпопуларна анимирана ТВ серија 2021: Светот на Биби

Најпопуларна детска ТВ емисија 2021: Дајте музика

Тинејџерски хит 2021: Green Forces

Трајни музички вредности: Ристо Самарџиев

Бенд на годината 2021: Фолтин

Трајни музички вредности: Васка Јанковска

Спортски херои: Фудбалска репрезентација на Македонија

Музички амбасадор: Симон Трпчески

Животно дело: Жељко Бебек

Еколошкa ТВ емисија 2021: Агенда 21

Најпопуларно новогодишно ТВ шоу: Преспав – ОХО

Животно дело: Ферус Мустафов

Животно дело: Љупчо Трајковски Фис

Трајни музички вредности: Наум Петровски

Композитор 2021: Никола Мицевски

Спот 2021: Некст Тајм

Спортист 2021: Дејан Георгиевски

Музички дует 2021: Александар Митевски и Драган Спасовски

Трајни музички вредности: Благица Павловска

Џез соработка: Tavitijan Brothers

This slideshow requires JavaScript.

Фото: Слободан Ѓуриќ

Повеќе од Настани

Маркетинг
ДО ВРВ
error: Содржината е заштитена со авторски права.
Please accept [renew_consent]%cookie_types[/renew_consent] cookies to watch this video.