Македонија ќе настапи на првата полуфинална вечер на Евровизија 2020

Македонија ќе биде меѓу државите кои ќе ја отворат овогодинешната Евровизија која ќе се одржи во Ротердам, Недерланд (Холандија).

Пејачот Васил Гарванлиев кој ќе ја претставува земјава, ќе настапи во првата половина од првата полуфинална вечер на 12 мај.

Освен Македонија, во оваа вечер настапуваат и Белорусија, Литванија, Шведска, Словенија, Австралија, Ирска, Русија, Норвешка, Кипар, Хрватска, Азербејџан, Малта, Израел, Украина, Романија и Белгија.

Втората полуфинална вечер на 65. издание на Евровизија, е на 14 мај, кога ќе настапат Австрија, Молдавија, Полска, Сан Марино, Србија, Исланд, Чешка, Грција, Естонија, Данска, Бугарија, Швајцарија, Финска, Ерменија, Латвија, Грузија, Португалија и Албанија.

Финалето е закажано на 16 мај, а директно таму се пласирани Франција, Германија, Италија, Шпанија, Велика Британија и земјата домаќин Недерланд (Холандија).