Настани
„Сигет“ фестивал 2022: Најавени големи музички имиња за враќање по 2 години пауза
По две години, фестивалот „Сигет“ е повторно тука. Никогаш не сме го очекувале вака порано – и сигурно, не смее да се пропушти. Големото враќање ќе се случува 10-15 август 2022 година.
-Од 1993 година требаше да се земе предвид дека секоја година ќе се собираме на островот Хајоѓари (Hajógyári) – никој не би помислил дека е можно да поминат две години без Сигет, во две последователни години –рече Тамаш Кадар, главен организатор на Сигет.
-Оваа година, сепак, веќе интензивно се подготвуваме за 28. Сигет, кој ќе биде големо враќање со меѓународни ѕвезди, изведувачи кои станаа популарни во изминатите пропуштени сезони, а Сигет ќе прикажува најразновидни жанрови, како вообичаено. Сигурно Сигет оваа година не смее да се пропушти – додаде Кадар.
Организаторот се осврна и на глобалните проблеми со кои се соочуваме, загубите од пандемијата и војната во Украина, при што изјави дека „Сигет низ целата своја историја се залага за мир и слобода“ и дека ќе се приклучат и на кампањата Музиката ја спасува Украина за време на фестивалот.
Голем дел од билетите се веќе распродадени, а организаторот ги потенцираше и лојалните посетители на фестивалот коишто ги чувале своите купени билети од претходните две години кога фестивалот беше откажан.
Заложбата на фестивалот за заштита на животната средина е непроменета, оваа година нови елементи се додадена на „Greener Sziget“ („Позелен Сигет“). Посетителите исто така можат да „купат дрво“ при купувањето на нивните билети, придонесувајќи на овој начин да се засади шума за да се компензира влијанието на емисијата на CO2. Исто така ќе се користат чаши за повеќекратна употреба и прибор за јадење од материјали што се распаѓаат, додека голем акцент ќе се стави на собирање на создадениот отпад. Како дел од напорите за заштита на животната средина, одредена област на Сигет (главно шумата што се граничи со областа 3 на Будимпешта) ќе биде затворена за посетителите со цел да се заштити флората.
Сигет 2022 ќе се врати по долгата пауза со настапи на меѓународни ѕвезди, познати имиња, изведувачи кои досега не се видени во Унгарија, како и свежи, возбудливи претстојни таленти.
Фестивалот во Будимпешта, Унгарија ќе се врати од 10 до 15 август, со Kings of Leon, Arctic Monkeys, Дуа Липа, Калвин Харис, Џастин Бибер меѓу главните ѕвезди. Исто така се очекуваат настапи и на добро познатите Луис Капалди, Bastille, Stromae.
Но, фестивалот не се само главните изведувачи, Сигет обединува програма за светска музика, кабаре, комедија, проекции, работилници, велнес активности, перформанси и уметност, како и забави со брод и други активности на плажата Сигет.
За повеќе детали за фестивалот како и информации за билети, посетете ја страната szigetfestival.com .
