Сцена
Објавени номинациите за Еми наградите: „Succession“ и „Ted Lasso“ овогодинешни фаворити
Објавени се номинациите за престижната телевизиска награда Еми, која традиционално секоја година ја собира јавноста пред малите екрани.
Овогодинешното, 74-тото доделување на Еми ќе се одржи на 12 септември, а директно ќе го пренесува американската телевизиска мрежа NBC.
„Succession“ заработи најмногу номинации од кое било шоу, вкупно 25 номинации, вклучувајќи една за најдобра драма, како и номинации за најдобар главен актер за Брајан Кокс и Џереми Стронг.
„Ted Lasso“ ја предводеше категоријата комедија, заработувајќи 20 номинации, вклучувајќи и една за најдобра хумористична серија. Ѕвездата Џејсон Судеикис заработи номинација за најдобар главен актер, додека Џуно Темпл, Брет Голдстајн и Хана Вадингам беа меѓу оние кои заработија индивидуални номинации во нивните соодветни категории за споредна актерска игра. Сара Нилс, Тохиб Џимох и Ник Мохамед, исто така, заработија номинации за споредна улога.
„White lotus“ беше фаворит во категоријата ограничени серии, заработи вкупно 20 номинации, од кои неверојатни осум номинации во споредни актерски категории.
„Hacks“ и „Only Murders In the Building“ заработија по 17 номинации, заокружувајќи ја листата на топ пет номинирани програми.
Меѓу номинираните за најдобра драмска серија сосема заслужено се „Severance“ (Apple TV+), „Squid Game“ (Netflix), „Stranger Things“ (Netflix) и „Euphoria“ (HBO) која има вкупно 16 номинации. Squid Game е исто така првата номинирана серија во таа категорија која не е на англиски јазик.
Целосната листа на номинирани може да ја погледнете тука.
