Сцена
Одлични вести за фановите: Наскоро доаѓа четвртата сезона на „Емили во Париз“
Официјално е – во продукција е четвртата сезона на популарната серија на Нетфликс, „Емили во Париз“.
Откако минатата година снимањето беше одложено поради штрајкот во Холивуд, Нетфликс сега потврди дека корисниците наскоро ќе можат да ги гледаат новите авантури на Емили Купер во Париз.
На 18 јануари 2024 година, Лили Колинс, ѕвездата на серијата, случајно потврди дека таа и остатокот од екипата на Емили почнале да работат на нови епизоди во Париз. Таа објави дека „конечно ја запознала нејзината екипа Емили во Париз“ и дека „се чувствува толку добро“.
Веста беше потврдена на официјалните профили на Нетликс на социјалните мрежи, каде споделија фотографија од Лили која во рака го држи сценариото за четвртата сезона.
Креаторот на серијата Дарен Стар откри што може да очекуваат гледачите од новата сезона. На прашањето дали Минди и Беноа навистина ќе одат на Евровизија во четвртата сезона, Стар откри: „Да, се надевам дека е така. Тоа е планот. Мислам дека имаме навистина убава песна вредна за Евровизија, која може да биде доста конкурентна“.
Тој продолжи: „И мислам дека тој дел е сè уште многу важен за Минди, таа уметничка страна. И затоа таа дојде во Париз. Мислам дека повторно ќе ја разбуди таа страст и тој сон“.
Уште во јануари 2022 година, Нетфликс потврди дека серијата ќе се врати уште две сезони по успехот на втората сезона. Тоа го потврди и Лили. “Се разбудив многу рано за да ви кажам многу возбудливи вести. Емили во Париз се враќа за трета сезона. И почекајте ја четвртата”, напишала тогаш и им се заблагодарила на своите фанови за поддршката.
