СОФИЈА ВЕРГАРА: „Добив син кога имав 19 години – јас сум подготвена да бидам баба, а не мајка“

Светски познатата актерка со колумбиско потекло, Софија Вергара, реши да стави крај на шпекулациите за својот развод со 47-годишниот актер Џо Манганиело. Во интервју за шпанскиот медиум “Ел Паис”, 51-годишната Софија откри дека главната причина за разделбата била разликата во возраст и различните желби за иднината и имањето на деца.

– „Мојот брак се распадна затоа што Џо беше помлад од мене и сакаше да има деца, а јас не сакав да бидам стара мајка. Чувствувам дека тоа не би било фер кон бебето. Тоа веќе не е за мене. Добив син кога имав 19 години, кој сега има 32 години, а јас сум подготвена да бидам баба, а не мајка”, открила актерката.

Манганиело поднесе барање за развод на 2-ри јули, наведувајќи “непомирливи разлики” како причина. Иако официјлано разведени, извори на Page Six открија дека двајцата веќе живеат одвоени животи “многу, многу долго време”.

Во последните месеци, Вергара беше поврзана со ортопедскиот хирург Џастин Салиман, но според извори на Daily Mail, врската завршила. Истиот извор открива дека Манганиело е виден со актерката Кејтлин О’Конор.