„Оревокршачка” на мраз веќе распродадена, закажана е и втора претстава!

Поради огромниот интерес за претставата “Оревокршачка” на мраз, која ќе се одржи на 4-ти декември 2017 година со почеток во 20 часот, организаторите, Прагма Продукција, се одлучија и за втора претстава.

Македонската јавност има ретка можност да го види балетскиот спектакл, претставата “Оревокршачка” на мраз, во изведба на државниот балет на мраз од Санкт Петербург, Русија.

Закажаната претстава на 4ти декември 2017год. во 20 часот е веќе распродадена и поради големиот интерес закажана е уште една, на истиот датум со почеток во 22 часот, во Македонската Опера и Балет.

Спојот на балетската уметност и најелегантниот спорт – уметничкото лизгање е програмската цел на Државниот Балет на Мраз од Санкт Петербург, Русија, кој е основан во 1967 година од страна на истакнатиот балетски кореограф Константин Бојарски. Музички директор и коосновач на оваа балетска куќа е Лео Коркин – познат руски диригент.

Балетот на својот репертоар ги има познатите балети на Петар И. Чајковски – „Заспаната убавица“, „Лебедово езеро“ и „Оревокршачка“, како и балетите „Ромео и Јулија“ и „Пепелашка“ од Сергеј Прокофјев.

Билетите за втората закажана претстава на овој балетски спектакл на мраз – “Оревокршачка на мраз” може да се набават преку продажната мрежа на “КупиКартиЗаСе” низ цела Македонија, во “Пола Југотон”, “Југотон”, Цвеќара “Розе” – Веро 2, како и онлајн на www.kupikartizase.com.