Песната „Free.mp3“ на Дубиоза Колектив на насловната страница на „The Pirate Bay“

Free.mp3 (The Pirate Bay Song) за кус период стекна и светска популарност. За тоа најмногу придонесе интернет страницата Тhe Pirate Bay и еден од најпознатите пирати во светот, Ким Дотком.

Споменатиот видео спот на групата од Зеница, Дубиоза Колектив се најде на насловната страница на Тhe Pirate Bay, каде го замени препознатливиот пиратски брод.

Песната наиде и на одобрување од „најголемиот пират“, Ким Дотком кој ја сподели по пат на Твитер со прашањето „Did I hear my name? :) “.

Според податоците на Јутјуб, од моментот на поставувањето на  6 ноември па до 9 ноември во 11,34 часот, видеото го прегледале вкупно 1.144,348 пати.