Повеќе десетина илјади посетители на настапот на Брена во Струмица (ФОТО)

Со настапот на Црвена Јабука, Дубиоза колектив, Саша Ковачевиќ и Астра-ион проект вечерва на големата сцена на плоштадот „Гоце Делчев“ завршуваат музичките вечери на седмото издание на „Струмица опен фестивал“.

Синоќа, на втората вечер, главна ѕвезда беше мега популарната Лепа Брена, која за време на скоро двочасовниот настап испеа поранешни и нови хитови, а нејзиното гостување во Струмица привлече повеќе десетина илјади посетители.

Пред Брена настапија поранешната евровизиска победничка на Србија, Марија Шерифовиќ, Виктори бенд, Либеро бенд и Афишал.

Годинашново издание на „Струмица опен фестивал“ завршува на 26 овој месец со полумаратонската трка низ улиците на градот.