Анџелина го тужи ФБИ поради поранешниот сопруг Бред Пит

Со месеци се шпекулираше дека Анџелина Џоли поднела анонимна тужба против ФБИ уште во 2016 година, а сега е потврдено дека е вистина.

Актерката ја поднела тужбата под лажно име „Jane Doe“, во која вели дека Бирото за истраги и го одбило пристапот до записите поврзани со наводите дека нејзиниот „тогашен сопруг физички и вербално ги нападнал“ неа и нивните деца додека патувале со приватен авион.

Јавноста веднаш се потсети на инцидентот што се случи во 2016 година во приватниот авион на семејството Џоли-Пит, на пат од Франција кон САД, кога Бред имал жестока пресметка со својот најстар син Медокс. Неколку дена подоцна беше откриено дека Џоли поднела барање за развод, а се дозна и дека актерот бил под истрага од ФБИ и социјалните служби поради извештаите дека вербално и физички ги навредувал децата.

Американските медиумите објавија дека сега е потврдено дека „Jane Doe“ навистина била Анџелина, а актерката поднела жалба на 9 август оваа година во која биле откриени неколку интересни детали.

Џоли му кажала на агентот на ФБИ дека Пит пиел, а потоа ја одвлекол до задниот дел од авионот каде што наводно ја фатил за раменици и ја тресел додека и рекол: „Го уништуваш ова семејство“.

Подоцна, наводно се случила уште една физичка пресметка во која Анџелина била повредена, а за да го докаже тоа на агентот му дала фотографија од лактот на која се гледа повредата. Рекла и дека Бред Пит ја полил со пиво. Тимот на Пит ги отфрли сите обвинувања.

Специјалниот агент потоа се сретнал со државниот правобранител и тие заклучиле дека Пит нема да биде обвинет, поради што Анџелина поднела тужба за да добие пристап до документите поврзани со истрагата против нејзиниот сега поранешен сопруг. Посебно за одбележување е фактот што ѝ било дозволено да ја поднесе жалбата анонимно, што е невообичаено.

-Госпоѓа Дое со години бара откривање на скриените информации за да се осигура дека нејзините деца добиваат квалитетна грижа и советување за штетата што им е нанесена. Информациите сокриени од Министерството за правда (Одделот за правда) и ФБИ содржат докази за оваа штета, а постојаното одбивање да и ги даде овие информации на г-ѓа Дое, која и самата е жртва на напад, постојано ги попречува нејзините обиди да им ги обезбеди на своите деца потребните нега и лекарска помош и со тоа предизвикување дополнителна штета – се наведува во жалбата на Анџелина.

Во 2016 година, Бред наводно бил под истрага за злоупотреба на деца од ФБИ и социјалните служби, по инцидентот во приватен авион кога Бред наводно го нападнал нивниот тогаш 15-годишен син Медокс, кој наводно се обидел да ја одбрани својата мајка.

Тимот на Пит негираше дека актерот го повредил синот. Парот набргу потоа го започна процесот на развод, а Бред Пит никогаш не беше официјално обвинет.