Дечкото на Тејлор Свифт ги налути фановите: Тревис пијан се појави на парадата во Канзас Сити

Тревис Келси, момчето на Тејлор Свифт, го привлече вниманието на јавноста и ги налути обожавателите откако беше снимен пијан на парадата во Канзас Сити додека ја прославува победата на Супербол со неговиот тим Канзас Сити Чифс.

Градот му приреди големо добредојде на тимот, а кога тие се качија на сцената, Келси го зеде микрофонот и се обиде да ја отпее песната „Friends in Low Places“ од кантри уметникот Гарт Брукс. Спортистот се мачеше да изговара зборови и цело време се нишаше, па членовите на неговиот тим мораа да го држат.

Да потсетиме, Тејлор го бодреше своето момче од трибините на Суперболот, а победата ја прославија со бакнеж. Сепак, Келси се соочи со критики откако го турна својот тренер Енди Рид во лута размена за време на големото финале, при што многумина коментираа дека неговото однесување е неприфатливо.