Дуа Липа покажа како ги поминува празниците: Поради еден детал фановите мислат дека пејачката се верила за актерот Калум Тарнер

Дуа Липа неодамна на својот профил на Инстаграм сподели серија фотографии на кои се гледа како ги поминала празниците со семејството и нејзиното момче, британскиот актер Калум Тарнер. На една фотографија, фановите забележаа како пејачката носи дијамантски прстен на левата рака, што ги подгреа гласините за нивната свршувачка.

Според извори блиски до парот, 29-годишната пејачка се верила со 34-годишниот актер откако тој клекнал на колено и ја запросил на Божиќ.

Иако ниту таа ниту нејзиното момче официјално не ја потврдија свршувачката, извор за британски The Sun изјавил дека парот е свршен. “Дуа и Калум се многу заљубени и знаат дека ова е засекогаш. Тие се свршени и не можат да бидат посреќни. Дуа ја имаше една од најдобрите години во нејзината професионална кариера и ова беше шлаг на тортата. Калум е силен поддржувач на Дуа и тие се прекрасен пар. Нивните семејства и пријатели се многу среќни. Ова беше неверојатен Божиќ за сите нив”.

View this post on Instagram

A post shared by DUA LIPA (@dualipa)

Двојката е заедно нешто повеќе од една година, а следниот чекор во врската планираат да го прослават на новогодишната ноќ со своите пријатели и семејства.

Откако јавно објавија дека се заедно, не кријат колку се заљубени. Пејачката често споделува нивни заеднички фотографии на социјалните мрежи, а редовно присуствуваат на различни настани заедно.