HBO потврди дека ќе се снима ТВ серија за Хари Потер

Она што долго време се шпекулираше сега конечно и официјално е потврдено – HBO ќе снима серија за Хари Потер, а во неа ќе глуми сосема нова актерска екипа.

Како дел од презентацијата на сервисот Warner Bros. Discovery, кога се зборуваше дека HBO Max и Discovery+ ќе се спојат во услуга едноставно наречена Max, беше објавена и најава за оваа серија.

„Вашето писмо до Хогвортс е тука. Маx ја нарача првата серија за Хари Потер, верна адаптација на култните книги“, стои во најавата со кратко видео.

Што се однесува до сценариото, најавено е дека секоја сезона од серијата ќе се занимава со една книга од овој серијал, што значи дека ќе трае „децениски“, според зборовите на оваа куќа.

Your Hogwarts letter is here.

Max has ordered the first ever #HarryPotter scripted television series, a faithful adaptation of the iconic books. #StreamOnMax pic.twitter.com/3CgEHLYhch

— HBO Max (@hbomax) April 12, 2023

-Хари Потер е културен феномен и јасно е дека љубовта и гладта за нови содржини од светот на волшебниците продолжуваат. Новата  Max Original серија ќе нурне длабоко во секоја од познатите книги што обожавателите ги обожаваа сите овие години – изјави директорот на HBO, Кејси Блојс.

Стриминг сервисот Маx ќе ја продуцира серијата заедно со „Brontë Film and TV“ и „Warner Bros. Тelevision“, додека извршни продуценти ќе бидат Ј.К. Роулинг, Нил Блер и Рут Кенли Летс.

-Посветеноста на Макс за зачувување на интегритетот на моите книги е важна за мене, и со нетрпение очекувам да бидам дел од оваа нова адаптација која ќе овозможи ниво на длабочина и детали што е можно само во форма на долготрајна телевизиска серија – рече Роулинг.