Кајли Џенер го доби второто дете со раперот Тревис Скот
Кајли Џенер (24) и момчето Тревис Скот (30) го добија своето второ дете. Според објавата на социјалните мрежи, станува збор за момче кое е родено на 2 февруари 2022 година, само еден ден по роденденот на неговата постара сестра Сторми (4). Сеупште не е објавено името на момчето кое повторно го зголеми бројот во кланот Кардашијан-Џенер.
Кајли во неделата на својот Инстаграм профил објави фотографија на која нејзината ќерка Сторми го држи за рака новородениот брат, а во описот на фотографијата стои 2/2/22 и сино срце. Потоа на Инстаграм стори сподели фотографија на која може да се видат цветните аранжмани кои ги добила од семејството и пријателите по повод раѓањето на нејзиниот син.
Инаку, во август 2021 година излезе веста дека Џенер е бремена со своето второ дете, а Кајли и Тревис Скот веќе ја имаат четиригодишната ќерка Сторми. Младата инфлуенсерка ја чуваше бременоста со ќерката Сторми подалеку од очите на јавноста.
