Ким Кардашијан и Ирина Шајк очигледно имаат ист вкус за мажи

Во фокусот на светскиот шоу бизнис овие денови дефинитивно хит е „тајната“ врска на руската манекенка Ирина Шајк и американскиот рапер Кање Вест кој сè уште е официјално оженет со Ким Кардашијан.

По се изгледа дека ова не е првпат Ирина Шајк и Ким Кардашијан да ја делат истата „старо-нова“ љубов. Тоа е познатиот миленик на жените и познат заводник, фудбалерот, Кристијано Роналдо.

Сите знаеме за врската меѓу португалскиот фудбалер и Ирина Шајк, која траеше пет години, но малкумина знаат дека и Ким Кардашијан имала кратка врска со Роналдо.

Непосредно пред да ја официјализираат врската со Ирина, Роналдо редовно се гледал и со Ким. Двајцата, наводно, биле забележани како се бакнуваат во Мадрид, каде старлетата поминала тридневен одмор. Сепак, не е познато колку долго се гледале или сепак станува збор само за авантура.

Кристијано и Ким беа видени заедно уште еднаш, на концертот на Џенифер Лопез во Лос Вегас во август 2016 година, што значи дека бил фатен со Ким пред и по врската со Ирина.