Шоубиз
Ким Кардашијан на својата најстара ќерка Норт и приреди луксузно роденденско кампување
Повеќето деветгодишници за нивниот роденден можеби ќе се задоволат со торта и неколку подароци – но повеќето деветгодишници не се Норт Вест.
Најстарото дете на Ким Кардашијан, кое го дели со поранешниот сопруг Канје Вест, официјално наполни девет години на 15 јуни, а Ким се погрижи да прослави на типичен Кардашијан начин. Темата на роденденот беше „Камп Норт“.
Познатата ријалити ѕвезда на својата ќерка и приреди луксузно кампување што вклучуваше приватен авион за да ги однесе Норт и нејзините другарки на планина.
Ким сега објави серија фотографии и откри дека ги однела Норт и нејзините другарки со приватен авион на „кампување“, ако тоа воопшто може да се нарече кампување затоа што целата организација била прилично луксузна. Дури и приватниот авион бил украсен со дрвени украси, балони и натписи.
Девојчињата имале време за активности во текот на денот, вклучително планинарање, водени спортови и зип-лајнинг, а навечер спиеле во кревети кои биле дизајнирани да изгледаат како индивидуални шатори, испрскани со ефект на крв и закачена плишана глава од елен на горниот дел.
Родителите во меѓувреме пиеле топло чоколадо и црвено вино покрај вода и играле карти.
Повеќе фотографии објавени на Инстаграм Story на Кардашијан покажуваат дека гостите биле почестени со сопствени пижами „Камп Норт“ и дополнително морале да се обидат да гаѓаат со стрели.
Имено, најпознатата Кардашијан со бившиот сопруг Канје Вест има четири деца, 9-годишната Норт, 6-годишниот Сеинт, 4-годишнaта Чикаго и 3-годишниот Псалм. За сите нив нашироко се пишува уште од самото раѓање, особено за најстарата Норт, кој многумина веќе ја прогласија за иден трендсетер. Таа веќе сака да носи брендирани парчиња и чанти на нејзината мајка, а на само пет години ја имаше на насловна страница на списание. Таа се појавува и во видеата на својот татко, а исто така често е заедно со него на сцената за време на неговите концерти.
