Конечно е откриено името на синот на Ријана!

По скоро една година од породувањето, конечно е откриено името на преслаткото момче на Ријана!

Пејачката и нејзиниот партнер, раперот Асап Роки, наводно, го именувале своето прво дете РЗА Ателстон Мајерс (RZA Athelston Mayers), открива Дејли мејл, кој добил копија од официјалниот извод од книгата на родени.

Ријана и Асап Роки навидум ја добиле инспирацијата за името на нивниот син по музичкиот продуцент и рапер RZA, фронтмен на њујоршката хип-хоп група Wu-Tang Clan. По породувањето, пејачката неколку пати беше фотографирана во облека со името на тој бенд, а познато е дека нејзиниот партнер соработувал со еден од членовите на групата, Раеквон.

Што се однесува до средното име на скоро 1-годишното момче, тоа е инспирирано од средното име на неговиот татко – вистинското име на раперот Асап Роки е Раким Ателастон Мајерс.

Изводот, исто така, укажува дека момчето е родено на 13 мај во медицинскиот центар Седарс-Синаи (Cedars-Sinai) во Лос Анџелес.

Двојката наскоро го очекува и своето второ дете. Ријана откри дека е повторно бремена за време на нејзиниот настап на полувремето на Супер Боул во февруари.