Шоубиз

Објавени се првите три епизоди од документарецот за Хари и Меган

Од

Објавено на декември 8, 2022

По објавувањето на објавата и трејлерот кој крена прашина, сега на Нетфликс се објавени првите три епизоди од документарната серија „Хари и Меган“, кои сигурно ќе го потресат британскиот кралски двор.

Едночасовните епизоди се фокусирани на почетоците на врската меѓу принцот Хари и Меган Маркл, кои деновиве се во центарот на вниманието.

– Ова е приказна од прва рака за Хари и Меган, која содржи досега невидени снимки од нивната приватна архива – е воведната реченица од првата епизода.

Заедно со воведната реченица пишува дека сите интервјуа биле завршени пред август 2022 година, што можеби значи дека сакале да покажат дека серијата е снимена пред смртта на кралицата Елизабета Втора во септември.

Епизодата започнува со снимањето на Хари на аеродромот Хитроу во март 2020 година додека ги завршува своите последни кралски должности пред да замине за Америка. Хари се слуша како вели дека е загрижен за безбедноста на своето семејство и додава:

– Се работи за должност и услуга и иако се чувствувам како дел од ова семејство, моја должност е да ја разоткривам експлоатацијата и поткупот што се случува во нашите медиуми.

Во меѓувреме, неговата сопруга е во Ванкувер и во солзи на креветот вели: „Не знам ни од каде да почнам“.