Шоубиз
Откриено името на второто дете на Ријана
Пејачката Ријана (35) и раперот АСАП Роки (34) пред еден месец добија второ дете, син. Сега The Blast го откри необичното име што му го дадоа.
Познатата пејачка и раперот го нарекоа својот син Рајот Роуз Мајерс (Riot Rose Mayers), а се претпоставува дека името е референца на неодамнешната песна „Riot“ на Роки и Фарел Вилијамс која беше објавена на почетокот на оваа година.
Според изводот од матичната книга на родените до кој дошле американските медиуми, Рајот е роден на 1 август 2023 година во болница во Лос Анџелес во 7:41 часот. Пејачката ја криеше својата бременост се до настапот на Супер Боул во 2023 година, каде со својата модна комбинација го истакна трудничкиот стомак.
Двојката ја задржа традицијата на именување, користејќи друго име кое започнува со буквата „Р“. Да потсетиме, парот својот прв син, роден во мај минатата година, го именуваше RZA Athelston Mayers. Името е во чест на продуцентот и рапер RZA, водач на кланот Ву-Танг, чие вистинско име е Роберт Фицџералд Дигс.
