Пејачот Џејсон Деруло нападнал двајца мажи во Лас Вегас (ВИДЕО)

Деруло, револтиран, го прескокнал безбедносното јаже и го удрил човекот во лицето и го соборил на подот. Џејсон наводно удрил друг маж неколку моменти подоцна, а обезбедувањето морало да скокне за да ја прекине тепачката.

-Еј, Ашер! Е*и се! – му викнал маж на пејачот Џејсон Дерул (32) во хотел во Лас Вегас. Двајца непознати мажи го испровоцирале пејачот поради што ги изгубил нервите.

ТМЗ објави и снимка од инцидентот во кој случаен минувач го снимил Деруло како се спушта по ескалаторот во лобито на хотелот, по што двајца мажи вербално го нападнале.

Полицијата во Лас Вегас соопшти дека поп-пејачот Џејсон Деруло „извршил напад врз две лица“ во кавга во хотелот и казино Арија во вторникот рано наутро. Видео снимката покажува дека Деруло трча низ местото и удира со тупаници неидентификуван маж, кој го исмејувал со споредби со ар-ен-би пејачот Ашер.

Деруло беше сликан со лисици и изваден од просториите, при што хотелот издаде наредба за прекршок против него. Тој не е уапсен ниту обвинет за нападот, а не е направен полициски извештај, бидејќи жртвите избрале да не поднесат обвиненија.