People: Актерот Пол Рад е најсекси маж на светот за 2021
Секоја година американскиот магазин „People“ традиционално избира најсексапилен маж на светот, а овогодишниот избор сите ги изненади, со оглед на тоа што американските медиуми најавуваа дека актерот Крис Еванс ќе ја понесе таа титула.
Титулата за „Најсекси маж за 2021 година“ на магазинот „People“ сепак му припадна на Пол Рад.
За некои познат како момчето на Фиби од „Friends“, но е најпознат по улогата на Ant-man во филмот на Марвел.
52-годишниот актер останал изненаден кога дознал дека е прогласен за најсекси маж за 2021 година.
-Доволно сум свесен за да знам дека кога луѓето ќе слушнат дека јас сум избран за најсекси маж, ќе речат ’Што?‘. Ова не е лажна скромност, има многу други мажи што треба да ја добијат оваа титула пред мене – вели актерот во интервјуто за People.
Актерот е најпознат е по комедиите, но има и неколку сериозни улоги. Пол Рад се појавува во Clueless, The 40 Year Old Virgin, Knocked Up. Anchorman: The Legend of Ron Burgundy, I Love You Man. Од посериозните улоги најмногу се истакнува онаа на Ant-man во неколку продолженија од филмовите на Марвел.
-Пријателите многу ќе се шегуваат со мене поради ова, но така и треба да биде. Ќе уживам во ова, ќе се правам важен. Ќе направам нови визит-картички. Очекувам животот да ми се промени поради оваа титула. Се надевам дека конечно ќе бидам повикан на секси вечери со Џорџ Клуни, Бред Пит и Мајкл Б. Џордан. Можеби и повеќе време ќе поминувам на јахти – изјавил духовитиот Пол во интервју за магазинот.
Уредниците на магазинот во шоуто на Стивен Колберт објавија кој ќе ја понесе ласкавата титула за оваа година.
