Пике наводно во врска со 12 години помлада девојка која работи за него

Откако веста го обиколи светот дека Шакира (45) и Жерар Пике (35) се разделиле по 11 години навидум идилична врска и два сина, колумбиската пејачка се соочи не само со распадот на семејството, туку и со сериозни обвинувања за затајување данок од страна на властите во Шпанија.

Таа се соочува со казна затвор од осум години, а освен тоа, и сознанието дека нејзиниот поранешен, за кој се шпекулираше дека ја изневерил, веќе има нова љубов – младата 23-годишна девојка Клара Чиа Марти која е студент за ПР.

Не е познато дали нивната романса започнала пред или по раскинувањето на Шакира и Пике.

– Жерар и Клара се гледаат со месеци. Тие молчеа за нивната врска, но сите околу нив знаат што се случува – изјавил извор за The Sun.

Клара е студент за односи со јавноста и е вработена во компанијата на Пике „Космос“. Парот наводно се запознал на спортските настани „Космос“.

Извори блиски до двојката изјавиле дека самиот факт што тимот на Пике се обидел да ги избрише сите социјални мрежи и записи на Клара од интернет доволно говори за фактот дека работата е доста сериозна – затоа што фудбалерот сака да ја заштити својата нова љубов од медиумскиот притисок.

Да потсетиме дека веста за раскинувањето на Шакира и Пике беше објавена во јуни откако започнаа да се шират шпекулации за негово наводно неверство. Заедно имаат две деца, синовите Милан (9) и Саша (7), над кои парот се бори за старателство. Неодамна постигнаа привремен договор, па сега за сега синовите половина месец ќе го поминуваат со мајка им, а другата половина со татко им.