Шакира откажа концерт во Лима – пејачката заврши во болница поради стомачни болки

Колумбиската музичка ѕвезда Шакира беше принудена да го откаже својот концерт во Лима, Перу, откако беше хоспитализирана поради силни болки во стомакот. Ова се случува само неколку дена по почетокот на нејзината прва светска турнеја по седум години.

48-годишната пејачка се огласи на социјалните мрежи, објаснувајќи дека во саботата навечер била примена во итна медицинска помош, каде што лекарите препорачале престој во болница.

👉 „Лекарите под чија грижа сум во моментов изјавија дека не сум во доволно добра состојба за настап“, напиша Шакира, изразувајќи жалење што мора да го одложи концертот.

Порака со благодарност до фановите

По бројните пораки за поддршка, пејачката повторно се огласи, упатувајќи порака до своите фанови:
💬 „Ви благодарам за сите ваши пораки со љубов. Вие ми давате толку многу сила. Ве сакам со целото мое срце.“

Според последните информации, Шакира се очекува денеска да биде пуштена на домашно лекување.

Светската турнеја продолжува

Шакира ја започна својата нова турнеја со концерт во Рио де Жанеиро, само неколку дена откако освои Греми награда за најдобар латино поп албум. Признанието го посвети на мигрантите во САД кои се соочуваат со депортација.

Турнејата на една од најпопуларните латино ѕвезди на сите времиња вклучува речиси 50 концерти во Латинска Америка до крајот на јуни, по што ќе продолжи со настапи во САД и Канада.