Поранешен пријател на Џастин Бибер верува дека пејачот е во култ

Рајан Гуд, долгогодишен пријател на Џастин Бибер и ко-основач и креативен директор на модниот бренд на Бибер, „Drew House“, верува дека пејачот е во култ. Извори за TMZ изјавиле дека Рајан не разговарал со Џастин повеќе од една година бидејќи е загрижен поради неговиот пастор, Џуда Смит.

Гуд, наводно, ја напуштил црквата Churchome која ја посетува Бибер во Беверли Хилс, каде Смит е еден од водачите. Рајан верувал дека истата црква е всушност култ, а откако Бибер се зближил со Смит, тој се разделил од пејачот и наводно престанал да разговара со него.

Колку Џастин станал близок со својот свештеник покажува и фактот што пред неколку години го направи Смит член на управниот одбор на „Drew House“, и покрај тензиите меѓу нив и Гуд. Изворите велат дека одлуката на Џастин била „чудна“ со оглед на тоа што свештеникот не е бизнисмен.

View this post on Instagram

A post shared by Ryan Aldred (@ryangood24)

Според изворите, Рајан е загрижен за својот поранешен пријател, особено по видеата кои во последно време кружат на социјалните мрежи, а на кои пејачот предизвикува загриженост со своето бизарно однесување.

Инаку, Бибер претходно овој месец откри дека повеќе не е дел од „Drew House“ и ги повика своите обожаватели да престанат да ја поддржуваат компанијата.

Во јануари, тој престана да ги следи на Инстаграм, Рајан, кој беше кум на неговата венчавка со Хејли Бибер, поранешниот менаџер и човекот кој го направи ѕвезда Скутер Браун, долгогодишниот шеф на обезбедувањето Кени Хамилтон и Алисон Кеј која исто така од почетокот беше дел од неговиот менаџмент.

Во последните неколку месеци фановите на Бибер беа многу загрижени за пејачот. Бибер се однесува бизарно во јавноста, а загриженост предизвика и неговото однесување на социјалните мрежи. Имаше гласини дека почнал повторно да се дрогира, што неговиот претставник ги демантираше. Тој рече дека гласините се „исцрпувачки и патетични“ и дека покажуваат дека и покрај „очигледната вистина“, луѓето се „посветени да ги одржуваат во живот негативните, груби и штетни приказни“. И покрај тоа што претставникот изјави дека Џастин е добро, загриженоста не исчезна. Дури и поранешните блиски пријатели и соработници на Бибер изразија загриженост за менталното здравје на пејачот.